Ao longo da nosa vida como actrices e actores, é moi importante manternos activos e adestrar, para reforzar as nosas ferramentas e adquirir outras novas. A capacidade de analizar, escoita, a adaptabilidade, a concentración e a atención son habilidades básicas da interpretación que se poden adestrar.

Neste taller ensaiaremos e gravaremos secuencias, analizaremos escenas e a mellor forma de abordalas en función das nosas habilidades particulares e o noso perfil, poñeremos en uso as nosas ferramentas interpretativas e, a través de diferentes técnicas, prepararémonos para o que máis nos gusta: actuar.

O último trimestre do taller estará enfocado a preparar e rodar varias escenas que serán mostradas a público nunha sala de Vigo.