Dirixido a todos os actores e actrices en activo ou en proceso de formación que queiran profundar en ferramentas para a comedia:
– Traballaremos textos, escenas e monólogos de obras de teatro, series ou películas de comedia
– Exercicios de improvisación para traspasar a barreira da vergoña, a rixidez corporal ou os límites que todas as actrices e actores nos autoimpoñemos ao filtrar a interpretación a través do mental, “o lóxico”.
– Introdución á stand-up comedy.


Arantxa Treus e Jazmín Abuín son actrices e cómicas viguesas con ampla formación e experiencia en teatro e TV. Son as únicas cómicas galegas que formaron parte do elenco de cómicos do club da comedia en Madrid, do que seguen formando parte durante esta tempada.